Kumpyansa ti Presidential Anti-Organized Crime Commission a panagminas ti uranium ti kangrunaan a panggep ti 11 a Chinese nationals a naarestar idiay Paracale, Camarines Norte.
Segun kenni PAOCC spokesperson Doctor Winston Casio, dagiti nakumpiskar nga extraction technology iti lugar ket maus-usar para iti panagkali iti Uranium.
Dakkel iti posibilidad iti kabaknang ti nasao nga element iti nadakamat a lugar.
Kabayatanna, inlawlawag ni Casio nga iti agdama ket saan pay a kumpirmado a daitoy iti araramiden dagiti Chinese sadiay.
Insayangkat dagiti otoridad ti operasyon gapo iti impormasyon nga adda dagiti gangganaet nga illegal nga agminminas iti nadakamat a lugar idinto a tourist visa laeng iti adda kenkuada.
Ti Uranium ket maus-usar kas power commercial nuclear reactors a pagtaudan ti kuryente kasta met a kabaelan pay daitoy nga agpataud kadagiti isotopes para iti medical ken industrial uses.
