Pagtalinaeden ti Civil Aeronautics Board (CAB) ti airline fuel surcharge iti Level 4 para ti bulan ti Nobyembre.
Daitoyen ti maika-uppat a bulan a nagsasaruno iti Level 4 ti airline fuel surcharge ken kayat na a satwen ket agbayad manipud P117 agingga P342 ti tunggal pasahero kadagiti domestic flights a nagtaud ditoy Pilipinas.
Kabayatanna, dumanon met ti P385.70 agingga P2,867.82 ti bayadan ti tunggal pasahero kadagiti international flights.
Singsingiren dagiti airline companies ti fuel surcharge kadagiti pasahero para ti panangpasigurado dagitoy iti agtultuloy a panagbabaliw ti presyo ti produkto a petrolyo, partikular ti kerosene.
