LA UNION – Masampaanen iti kaso idiay pulisya ti maysa a third year marine transportation student a naaresto gapu iti maipagarup a panaglakona iti droga idiay Barangay Tanqui syudad ti San Fernando, La Union.
Nabigbig ti suspek a ni Kenneth More Espinosa, 20.
Iti report a nakalap ti Bombo Radyo manipud ti San Fernando City Police Station, dua a sachet a naglaon iti maatap a marijuana, drug paraphernalia ken buy-bust money ti nakompiskar manipud iti suspek.
Kaso a panaglabsing iti Comprehensive on Dangerous Drugs Act wenno Republic Act 9165 ti reklamo a maisagsagana kontra ti suspek.
