Inpaganetget ti Commission on Elections (COMELEC) a maiparit kadagiti kontratista ti gobyerno iti mangited ti pondo kadagiti kandidato, segun iti Section 95(c) ti Omnibus Election Code.
Kenuna ni COMELEC Chairman George Erwin Garcia a nalawag nga maiparit iti direkta a kontribusyon manipud kadagiti indibidwal wenno kompanya nga addaan ti kontrata iti gobyerno, kangrunaan no para iti public works.
Saan a nagkomento ni Garcia iti posible a pannusa para kadagiti nakatugaw nga opisyal gaputa namnamaen na a mangipila ti reklamo mainaig iti isyu.
Sinigurado ti opisyal a nangato iti posibilidad nga agmoto pro prio investigation iti COMELEC kadua iti Political Finance and Affairs Department (PFAD) kadagiti kandidato a nakaawat ti donasyon manipud kadagiti government contractors.
Manipud idi 2022 agingga iti agdama a tawen ket maimbestigaran dagiti Statement of Contributions and Expenditures (SOCEs) dagiti tumaray ken dagiti nangabak a kandidato.
Napateg iti panagsubmitir ti SOCE agsipudta mausar daytoy tapno masublian no adda ti napasamak a panaglabsing a napasamak idi panawen ti panagkampanya.
Dagitoy a palawag ti komisyon ket kasaruno iti rebelasyon nga inaramid ni Presidente Ferdinand “Bongbong” Marcos Jr. a 20% ti kabuklan a Php 545 bilyon a pondo para iti flood control projects ket naiyapan laeng kadagiti 15 a kontratista — banag nga inawagan na a “nakababahala wenno makapadanag.”
Maysa kadagiti kontratista a naibutaktak ket iti Centerways Construction and Development Inc. a kukua ni Lawrence Lubiano, ken pinasingkedan ni Senate President Francis “Chiz” Escudero a nangited kenkuana ti kontribusyon para iti 2022 Elections campaign.
