LA UNION – Immapela ni Laguna Representative ken House Committee on Public Order and Safety Chair Dan Fernandez kadagiti opisyal ken empleyado ti Bureau of Immigration nga itudo nu siasino ti timmulong iti grupo ni Alice Guo tapno makalibas ditoy pagilian.
Segun kenni Fernandez, ited na iti dua a bulan a suweldo na iti siasinuman a BI personnel a makaited ti nagan.
Impaganetget ti mammanday linteg, aramidenna daytoy tapno maamwan nu siasino ti timmulong tapno makapag-lemmeng ni Alice idinto nga ammo a sumang-sango ti agtutuon a reklamo iti naikkat a mayor.
Segun kenni Fernandez, iti pannaki-tinnulong dagiti BI personnel ken official ket napateg tapno makabukel iti Quad Committee ti umno a linteg tapno saanen a maulit pay daytoy.
Iti maysa a kongresista ket agsuwel-suweldo ti P262,965 agingga P289,669 wenno kaibatugan ti salary grade 31.
