Natay ti maysa a construction worker kalpasan daytoy a makuryente iti ar-aramiden nga apartment idiay Barangay San Francisco iti syudad ti San Fernando, La Union.
Nabigbig ti biktima a ni Elton Jay Camacho, 22, residente ti Barangay Poro iti syudad.
Segun kenni S/Ins. Anthonio Marzan, spokesperson ti San Fernando City Police, kinuna na a base iti imbestigasyonda, kabayatan nga adda iti atep ti pasdek ti biktima nakuryente daytoy kalpasan a maiggaman na ti high tension wire iti impangato na nga steel bar.
Dagus a naiturong iti Ilocos Training and Regional Medical Center ti biktima ngem naidineklara a dead on arrival gapu iti sugat a sinagaba ti bagi na.
