Nangipila ti petition for certiorari ti government contractor a ni Curlee Discaya iti Pasay City court tapno kuestionaran iti panangdetine kenkuana ti Senado.
Pinasingkedan daytoy ti abogadona a ni Atty. Cornelio Samaniego III ita nga aldaw, Disiembre 10.
Segun ti abogado, nakabalud iti kliyentena sipud pay idi Setiembre 23 ken saan a naipaayan ti gundaway a mawayawayaan babaen ti petition for habeas corpus, gapu ta maipagarup nga iti rumbeng nga ipilada ket iti petition for certiorari.
Panggep ti petision for certiorari nga ilinteg dagiti panagbiddut iti hurisdiksion a naaramid ti nababa a korte wenno grave abuse of discretion.
Palawag ni Atty. Samaniego, rumbeng a mawayawayaan dagiti indibidual nga addaan ti contempt orders iti panagleppas ti panagdingeg ti Senado iti isyu ti maanomalya a flood control projects.
Impaganetget ti abogado nga awan ti panggep ni Curlee Discaya nga aglemmeng manipud kadagiti otoridad.
Maipalagip nga in-cite in contempt ti Senate Blue Riboon Committee ni Curlee gapo ti panagulbod na mainaig iti panaglangan ti asawana a ni Sarah Discaya iti panagdingeg idi Setiembre 28.#
