Kinumpirma ti Philippine National Police (PNP) – Anti-Cybercrime Group (ACG) a bimmaba ti agarop 36% ti Cybercrimes ditoy pagilian nu idasig ti isu metlaeng a panawen di napalabas a tawen.
Segun iti Philippine National Police (PNP) – Anti-Cybercrime Group, adda pakabuklan a nairekord nga 8,177 cybercrime incidents idi umuna a semestre ti agdama a tawen.
Bimmaba daitoy iti 36.16% nu idasig iti 12,808 cybercrime incidents ti umuna a semestre ti tawen 2023.
Innayon pay ti Philippine National Police – Anti-Cybercrime Group a dakkel iti bimmabaan ti online selling scam manipud 3,468 agingga 1,613 a kaso, pinasarunuan dagiti investment/tasking scams a bimmaba manipud 1,001 agingga 650 a kaso, ken ti debit/credit card frauds a bimmaba manipud 736 agingga 528.
Inlawlawag ti grupo nga iti panagbaba dagiti cybercrimes ket resulta iti aktibo a tignay ti ahensya kontra kadagitoy.
