BR LA UNION – Dinipensaan ni Agriculture Secretary Francisco Tiu Laurel Jr. iti desisyon da nga agangkat iti sibuyas.
Kinuna ti sekretaryo nga ita laeng a bulan ket addan ti 7,000 tonelada a kinakurang ti sibuyas ditoy pagilian.
Kinunana pay nga naaprubaran laeng ti 4,000 a tonelada a pakaibilangan ti 3,000 tonelada para iti nalabbaga a sibuyas ken 1,000 tonelada para iti puraw a sibuyas tapno mapullatan ti kinakurang.
Inlawlawag na nga agingga katengngaan ti bulan ti Marso wenno Abril ti harvest season ti sibuyas, isunga nu saan kunana a masungbatan ti panagkurang ti supply ket posible a kumaru ti problema ken ngumato manen ti presyo daytoy.
Maysa laeng taktika iti inaramid ti departamento nga agangkat ti sibuyas, tapno maliklikan ti anyaman a panaglobo ti presyo ti sibuyas.
Maipalagip a binabalaw dagiti mannalon iti desisyon ti DA nga ag-angkat ti sibuyas gaputa harvest season ita ken sigurado nga adu a suplay ti sumangpet iti sumaruno a lawas.
