Binalakadan ti liderato ti Department of Agriculture iti publiko nga agannad iti panag-gatang ti imported a puraw nga sibuyas.
Segun kenni Agriculture Secretary Francisco Tiu Laurel Jr., posible a ma-kon-ta-mi-nado daitoy ti salmonella ken heavy metals.
Inaramid ti sekretario iti waragawag kalpasan a maisa a tonelada ti nateng manipud Pampanga iti nagpositibo iti nasao a bacteria.
Iti report dagiti otoridad, nagtaud idiay China iti pakabuklan a 34 metric tons ti puraw a sibuyas ken daitoy ket ilegal a naiserrek ditoy pagilian.
Nagsirbi iti Manila-based Leksei B. Specialized Goods Trading kas consignee daitoy a simmangpet idiay Subic Port.
Agtultuloy iti imbestigasion dagiti otoridad iti nasao nga insidente.
