BR LA UNION – Nagkari iti Department of Agriculture (DA) a tulungan na dagiti mannalon a maap-apektaran iti nababa a farmgate price ti kamatis.
Immunan a reklamo dagiti mannalon iti nababa a farmgate price ti kamatis nga agingga P4-P8 kada kilo, isunga dagiti dadduma a mannalon ket pilyen da a saan laengen nga apiten, agsipudta dacdackel pay iti magastos da nga agapit kumpara iti mapag-lakwan da .
Segun kenni DA Spokesperson Assistant Secretary Arnel de Mesa, makiko-koordinar iti local offices ti DA kadagiti mannalon tapno maiyasideg iti umno a tulong kadakuada.
Karaman a mairek-rekomenda ditoy ti adu a market linkage, transportation/logistics, ken dadduma pay.
Mabalin met nga isapolan dagiti mannalon iti outlet a pakaiturongan dagiti inapit a kamatis wenno ilako dagitoy iti Kadiwa store.
Kabilang dagiti nalalawa a pagmulaan ti kamatis ket idiay Cordillera, Ilocos Region, Central Luzon, ken Cagayan Valley, a kangrunaan nga agsup-suplay iti dadduma a paset ti pagilian kas ti National Capital Region.
Nagkari pay iti opisyal nga adda nakalatang a P1.5 billion a pondo para iti panang-palawa ken pagipatakderan ti kanayunan a cold storage facility ditoy pagilian tapno matulungan dagiti mannalon ken maliklikan ti pannakadadael iti tagilako nga agri commodities.
