Nainget a makikokoordinar iti Department of Agriculture kadagiti rice importers, retailers, ken dagiti stakeholders tapno masigurado nga awan ti mangabuso ken mangmanipula dagiti presyo ti bagas iti kangitingitan ti panakaipatungpal ti suspension iti rice importation.
Segun kenni DA spokesperson Assistant Secretary Arnel De Mesa, agtultuloy iti ar-aramiden da a panagsarungkar kadagiti merkado kadua iti Department of Trade and Industry, Philippine National Police, ken dagiti local government units.
Nakita da iti panangngato ti presyo dagiti imported rice ngem awan ti panaggaraw iti presyo dagiti lokal a bagas.
Impasigurado ti ahensia nga adda ti umdas a suplay ti bagas iti pagilian maibasar iti imbentaryo nga ar-aramiden ti National Food Authority.
Manamnama met nga 11 metric tons a bagas iti nakaituding a maapit kadagiti sumarsaruno a lawas.###
