Nagpakdaar ti Department of Agriculture kadagiti aglaklako ti lames a saan a panginaen unay ti presyo dagiti lako da.
Kasaruno daitoy ti namnamaen a napigsa nga lako kadagiti lames ita a panawen ti Semana Santa.
Segun kenni Agriculture deputy spokesperson Joycel Panlilio, nasken a dagiti galunggong ket agpatingga laeng ti P320 iti kada kilo bayat a ti bangus met ket saan a rumbeng a ngumato ti agingga P250 iti kada kilo, ken ti tilapia ket saan met a lumagpas iti P180 iti kada kilo na.
Apaman nga adda iti panaggaraw ti presyo ket nasken nga apagapaman laeng.
Gapo iti daitoy ket namnamaen ti opisyal nga agbalin a nalaka ti presyo dagiti lames iti las-ud ti okasyon.
Impasiguro na pay nga addaan da kadagiti naipatulod a mang-monitor nu sadino ket pagsungbaten ken dusaen da dagiti abusado ken managgundaway a negosyante ti lames.
