Pinaregta ti Department of Agriculture (DA) ti publiko a suportaran dagiti prutas a naggapo kadagiti local farms kasaruno ti manamnama a panagngato ti demand dagitoy inton Baro a tawen.
Segun kenni Agriculture Assistant Secretary ken spokesman Arnel de Mesa, daitoy ket tapno matulongan dagiti lokal a mannalon a mailako dagiti produkto da ken magundawayan iti nangato a presyo na.
Manamnama gamin iti panagngato ti presyo dagiti prutas sakbay iti Enero 1, 2025.
Apela ti opisyal kadagiti konsyumer, imbes a dagiti imported fruits ti gatangen ket pilien lattan dagiti prutas a produkto manipud kadagiti local farms kas tulong iti industriya ditoy pagilian.
Maysa kadagiti kangrunaan a tradisyon dagiti Pilipino tunggal dumteng ti Baro a Tawen ket ti panagsagana dagiti 12 agingga 13 a bilog nga prutas iti lamisaan.; kadawyan a pammati a mangiyeg daitoy iti suwerte para iti pakabuklan a tawen.
