Kinumpirma ni Agriculture Assistant Secretary Arnel de Mesa a mapagsasaritaanen iti panangilako ti P20 tunggal kilo a bagas kadagiti public school teachers inton sumaruno a bulan.
Iti nasao nga addang ket paset ti panangpalawa iti programa a “Benteng Bigas Meron (BBM) Na” nga immunan a naipatungpal kadagiti senior citizens, PWDs, solo parents, ken 4Ps beneficiaries.
Tarigagay ti Department of Agriculture (DA) a mairaman dagiti mannursuro kas baro a benepisyaryo ti programa tapno makatulong a mapalag-an iti inaldaw a gastos.
Iti agdama, agarop 120,000 minimum wage earners iti nagbenepisyar iti programa manipud idi bulan ti Hunyo.
Segun kenni De Mesa, posible a maipatungpal iti access dagiti mannursuro iti P20 a bagas kadagiti napili a lugar iti Rehiyon 2 ken Rehiyon 3 ita a bulan ti Agosto.
Agtultuloy met ti panang-finalize iti mekanismo para iti naurnos a distribusyon ken panang-liklik iti duplikasyon ti benepisyaryo.
Naamwan a maysa iti nasao a proyekto kadagiti kari ni Presidente Ferdinand Marcos Jr. kabayatan iti panagkampanyana.###
