BR LA UNION – Simmungbat kadagiti nagbalin a waragawag ti kamara de representantes seknan iti panangituding ti maximum suggested retailed price iti presyo ti bagas iti merkado ni Department of Agriculture Secretary Francisco Tiu Laurel Jr.
Iti presscon a naisayangkat iti main office ti Metropolitan Manila Development Authority ket inlawlawag ti sekretaryo nu apay nga intuding da iti MSRP iti presyo ti bagas.
Kinuna na a ₱58 iti kangatuan a retailed price dagiti bagas ngem saan a kaipapanan daytoy nga isardengen ti presyo dagiti imported rice iti merkado.
Kinuna na a ditoy laeng a mangrugi iti ceiling price para iti produkto, kalpasanna, in-inut nga ibaba ti ahensya tapno kabaelan a gatangen dagiti konsyumer.
Iti panangituding ti presyo, nasken a panunuten dagiti mannalon, dagiti retailers a maaddaan ti kalalaingan a kita.
Kinuna ni Laurel, nga idi napan a tawen, agraraira pay laeng dagiti retailers nga agilaklako ti aganay ₱60 agingga ₱64 a balor ti bagas iti naduma-duma a palengke idiay Metro Manila.
Kinunana pay a ti panggep ket tapno maikkat dagitoy a klase ti presyo manipud iti merkado ken pagbalinen a kabaelan a gatangen dagiti kangrunaan a tagilako nangruna ti bagas.
Kabayatanna, idi nagrikos ti sekretaryo a kadwana dagiti dadduma a kameng ti ahensiya, nadlawda nga awanen ti bagas nga aggatad iti ₱60 kada kilo ken nasursurok pay.
NATIONAL______DA AND DTI MONITORING
headline: DA ken DTI, nagrikos iti pagtagilakwan para iti continous price monitoring
Nagrikos idi kalman para iti price monitoring ti Department of Agriculture kadwa na iti Department of Trade and Industry idiay Pasig City.
Nadlawan iti naglabas nga aldaw a ngimmato iti presyo dagiti kangrunaan a gagatangen, kas ti kamatis, bell pepper ken sili.
Segun kenni DA Spokesperson Asec Arnel De Mesa, ti makitkita nga adda iti likod ti nangato a presyo dagiti gagatangen ket gapu iti panagbaba ti produksyon dagitoy gapwanan kadagiti naglabas a bagyo idi napan a tawen.
Nakadidigra-an ti nakaru dagiti traditional farmers partikular idiay Cagayan Valley, Bicol Region, sumagmamano a paset ti Central Luzon ken CALABARZON region.
Ngem namnamaen a bumaba agingga iti agtapos ita a bulan ti Enero wenno iti sumrek a bulan ti Pebrero iti presyo dagiti nasao a produkto iti merkado.
