BR LA UNION – Nasaripatpatan iti presensiya dagiti barko ken chopper ti China iti kangitigitan ti joint drills ti Pilipinas, Amerika ken Canada idiay West Philippine Sea.
Iti maysa nga statement, kinumpirma ni Armed Forces of the Philippines (AFP) public affairs office chief Colonel Xerxes Trinidad nga adda dagiti barko ti People’s Liberation Army Navy (PLAN), maysa nga oceanographic surveillance vessel ken maysa nga helicopter iti na-monitor manipud iti distansiya ti naisayangkat nga aktibidad.
Segun iti opisyal, saan a nakibiang iti Chinese vessels ken chopper isunga naituloy ti panagsanay kas plano.
Ibagbaga ti opisyal iti maika-pito a Multilateral Maritime Cooperative Activity (MMCA) a naisayangkat idi Miyerkules.
Segun met kenni AFP chief General Romeo Brawner Jr. iti nasao a panagsanay ke panangipakita ti maymaysa a commitment tapno papigsaen iti regional ken international cooperation kas suporta iti nawaya ken silulukat nga Indo-Pacific.
Iti biang ti China, immunan a dinipensaan ni Chinese Foreign Ministry spokesperson Guo Jiakun iti presensiya dagiti barko da iti exclusive economic zone ti Pilipinas ken tinakderanna a fully justified iti insayangkat ti China Coast Guard a panagpatroliya ken law enforcement activities iti nasao a kabaybayan maiyannurot iti maipagarop a linteg.
