LA UNION – Ibilang a pwerwisyo para kadagiti beekeepers dagiti billit a mangan iti taraken nga ayukan idiay ili ti Bacnotan, La Union.
Iti pannakiuman ti Bombo Radyo kenni Bacnotan Municipal Mayor Francis Fontanilla, kinunana nga agrekreklamo dagiti agtartaraken iti ayukan idiay ilida gapu ta mapaliiwda iti panangatake dagiti billit a mangap-apektar iti pagsapulan dagitoy.
Sigun kenni Fontanilla, agkiddawda iti tulong manipud iti Department of Environment and Natural Resources (DENR) tapno ammuen ti nasayaat a solusyon iti parikot dagiti beekeepers.
Kabayatanna, impanamnama met ti opisyal nga umdas pay laeng iti suplay ti diro iti lokal a merkado.
