LA UNION- Marikriknan dagiti Filipino nga agnanaed idiay California iti epekto ti nakaro a panagtinag iti niebe wenno snow storm.
Iti pannakiuman ti Bombo Radyo La Union kenni Noimie Lyn Abubo, tubo ti Bauang, La Union, kinunana a kanayon iti panangsubaybay dagiti agindeg sadiay weather update gapu ti dakes a kasasaad iti panawen.
Sumagmamano metten nga estado sadiay iti nangsuspendir iti serrek ti trabaho ken klase gapu iti snow.
Iti panangiladawan ni Noimie Lynm, nabalkot iti angep ken nagalis ti kalsada isu a makapaspasar ita iti nairot a taray ti trapiko idiay lugarda.
Kabayatanna, namnamaenda nga inton aldaw ti Lunes ket sumayaaten iti kasasaad ti panawen sadiay.
