LA UNION – Kagiddan iti panangrugi ti maika-168 a founding anniversary iti probinsya ti La Union ket sinarungkaran ni Department of Public Works and Highways (DPWH) Sec. Mark Villar kadagiti flood control projects ditoy probinsya.
Iti pannakiuman ti Bombo Radyo La Union kenni Sec. Villar, kinunana a kayatna a maipanmanama a mailippas iti nakatuding a panawen dagiti proyekto gkas ti panangaramid kadagiti drainages kangrunaan iti sentro ti syudad iti San Fernando.
Sigun ti opisyal, panggep ti disaster resilience program-da a masungbatan iti parikot a kanayaon a mapaspasaran tunggal panawen iti panagtudtudo kangrunaan iti layos.
Innayon pay ti mangidadaulo iti DPWH, adu a kanal iti mapalawa babaen ti nasao a programa ita a tawen.
