LA UNION – Mangisayangkat iti panagtaripnong iti La Union Police Provincial Office tapno trataren dagiti kaso a panangpapatay dagiti riding in tandem suspects kadagiti tallo a drug personalities iti nagsisina a lugar idiay La Union.
Iti pannakiuman ti Bombo Radyo kenni C/Ins. Silverio Ordinado, spokesperson ti LUPPO, kinunana nga agingga ita ket saanda pay a matukoy iti pakabigbigan dagiti suspek a nangpaltog kadagiti drug personalities.
Sigun kenni Ordinado, panggep ti maisayangkat a taripnong a maammuan ti sungbat tapno mabigbig ken madusa dagiti agraraira a riding in tandem suspects.
Kinuna pay ti opisyal, saan pay laeng a nalawag iti motibo ti panangpapatay kadagiti biktima isu a mangisayangkatda ti naun-uneg nga imbestigasyon iti kaso.
Nainget met a kinundina iti LUPPO ti napasamak a panangpapatay dagiti suspek kadagiti drug personalities a siguden a naipasidong iti Oplan Tokhang ti pulisya.
