Dumanonen iti 25 a tattao ti pimmusay iti insayangkat nga airstrike ti Israel kadagiti pagadalan a nagsebi kas shelter idiay Northern Gaza.
Depensa ti Israel Defense Forces, ti nasao nga lugar ket pagduldulinan dagiti Hamas militants.
Maibasar iti patta-patta ti Civil Defense agency, adda ti uppat nga missiles ti intinnag ti Israel ti nasao a pagadalan.
Dumanon metten ti nasurok 100 a tattao ti nasugatan iti panagraut ti Israel idiay Dar al-Arqam School nu sadino ket duwa a pasdek ti pagadalan iti target.
Ti las-ud laeng ti 24 nga oras, saan a bumaba ti sangagasot ti natay gapo iti agtultuloy a panagbomba ti Israel idiay Gaza.
