Inaprobaranen ti Court of Appeals ti maikauppat a freeze order ti Anti-Money Laundering Council (AMLC) mainaig kadagiti sanikua dagiti karaman ti maanomalya a flood control projects.
Segun iti konseho, panggep daitoy a mapalawa pay ti imbestigasyon ken masirip dagiti properties dagiti opisyales ken dadduma pay a proponents ti korapsyon ken iregularidad.
Sakopen ti baro a freeze order dagiti 57 bank accounts, 10 real properties, 9 a lugan; aganay 1,620 bank accounts, 54 insurance policies, 163 a lugan, 40 a real properties, ken 12 e-wallet accounts met ti adda iti sidong ti freeze order nga adddaan ti pakabuklan gatad a ₱4-B.
Segun kenni AMLC Executive Director Attorney Matthew David, nakapamaysa daitoy a panagtignay tapno labanan ken parmeken ti korapsyon.
