Dinayeg iti magnitude 6.7 a ginggined iti makin-Abagatan a Peru idi kalman, aldaw ti Huebes (aldaw ditoy Pilipinas), segun iti United States Geological Survey (USGS).
Nailista iti epicenter ti kaadayu a 38 kilometro Amianan-a-laud ti Upahuacho, probinsya ti Parinacochas, rehiyon ti Ayacucho, nga addaan iti kauneg a nasurok-kumurang 66 a kilometro.
Narikna iti panagdayeg kadagiti dadduma pay a paset ti southern Peru, karaman iti Ica ken Arequipa.
Kabayatanna, magnitude 7.2 met iti nailista ti Geophysical Institute of Peru (IGP), nga 108 a kilometro ti kauneg na.
