Saan a tumabuno ni Presidente Ferdinand Marcos Junior iti Asia-Pacific Economic Cooperation wenno APEC Summit sadiay Lima, Peru.
Daytoy ket pinasingkedan ni Presidential Communication Office (PCO) acting Secretary Cesar Chavez.
Segun kenni Chavez, ipamaysa pay ti Presidente ti panangtaming kadagiti domestic concerns ken dagiti kalamidad nga agsasangpet iti pagilian.
Mainaig iti daytoy, dinutokan ti Presidente ti pannakabagina iti persona ni Department of Trade and Industry (DTI) acting Secretary Maria Cristina Aldeguer-Roque nga agbalin nga Special Envoy iti APEC Leader’s Week.
Maangay ti Asia-Pacific Economic Cooperation Summit inton Nobiembre 10 agingga 16 ita a 2024.
