Binagaan ti Mamamayang Liberal ken Akbayan party-lists nominees Leila De Lima ken Chel Diokno ni Bise Presidente Sara Duterte a raemen ti proseso ti impeachment trial kontra kenkuana. Daitoy ket kalpsan a kinuna ni VP Sara a kayat na ti ”Bloodbath” para ti umadani a panagdengngeg.
Nakatuding nga agbalin a paset ti House prosecution panel da De Lima ken Diokno iti 20th Congress.
Segun kenni Diokno, ti impeachment ket maysa a ”civilized legal process” a panggep nga ammoen ti kinapudno.
Innayon met ni De Lima nga arig na padpadasen ti Bise Presidente a maala ti simpatya iti publiko babaen kadagiti kontrobersyal a waragawag.
Nagtignay dagiti dua a saan a personal ti posisyon da kontra iti maikadua a Presidente nu di ket Maibasar laeng kadagiti issue a panggep dan nga ileppas.
Impeksa da pay nga agtalek da a napigsa ti ebidensya a mangikkat iti posisyon kenni VP Sara Duterte.
Maipalagip nga inakusaran ti Kamara de Representantes ni VP Sara House idi Pebrero 5 kadagiti pito nga Articles of Impeachment, karaman ti pangta a panangpapatay kenda Presidente Ferdinand Marcos Junior, First Lady Liza Araneta-Marcos, ken House Speaker Ferdinand Martin Romualdez; malversation of P612.5 million confidential funds, kinakusit ti Department of Education, saan a mailawlawag a baknang, ken insurhensya.
