BR LA UNION – Maipagarop a panawenen tapno paneknekan ti legal team ni Vice President Sara Duterte nga adda pangta iti biag ti bise presidente, isunga naaramid na a pangtaan ni Presidente Ferdinand Marcos ken dadduma pay.
Segun iti human rights lawyer a ni Atty. VJ Topacio, kanayun nga ipag-paganetget ti kampo ni Duterte nga adda pangta ti biag na, kas iti iras-rason da iti kontrobersiyal a November 23, 2024 Zoom press conference.
Karaman pay ditoy ti maipagarop a timpuar a “Project Romanov,” a babaen iti daytoy ket naipadamag a par-parwaren ti kampo ni Duterte nga adda met dagiti pangta iti biag dagiti nasinged a kabagyan ti Bise Presidente.
Nupay agduduma ti konteksto ti Project Romanov nga immuna a dinakamat ni Mayor Baste Duterte, agpar-parang nga us-usaren ti kampo ni VP Sara ti isyu a mangpatalged a nasaknap ti pangta iti biagna.
Gapu iti daytoy, maipagarop nga addan iti gundaway ti kampo na a paneknekan iti inton sumaruno a lawas, nga isu met ti naikeddeng a maudi a diskusyon maipapan iti probisyon a grave threat article.
Nu pudno nga adda basaran daytoy kunana ket napateg nga imbestigaran daytoy ti Philippine authorities babaen kadagiti law enforcers.
Iti sabali a bangir, mamati ni Atty. Topacio a tarigagay ti prosekusyon a papigsaen ti ibagbagada a ti pangta kenni VP Sara ket maysa a pattern; isunga nakatuding nga i-presenter da iti National Bureau of Investigation Director Melvin Matibag bayat ti maudi a paset ti trial proceedings para iti panangtalantan ti isyu iti threat-related article.
Ti nasao a pattern ket saan a kabaelan a punasen ti kampo ni VP Sara, uray no ipilit ken padasen ti “PR team”-na a dalusan ti nagan na.
