LA UNION – Intantan ti House appropriations panel idi Martes ti committee-level deliberations maipapan iti singasing a P2 billion budget para iti sumaruno a tawen ti Office of the Vice President (OVP) ni Sara Duterte.
Napasamak daytoy kalpasan a nag-mosyon ti House committee on appropriations babaen kenni Ako Bicol party-list Representative Raul Bongalon, a nagkiddaw iti pannakaitantan ti OVP budget deliberations.
Awan ti uray maysa a mammanday-linteg a nang-object iti mosyon ni Bongalon, a maysa nga adding kalpasan a saan a dimmar-ay ti Bise Presidente iti budget deliberation idi kalman, para iti opisinana inton 2025.
Maipalagip nga immuna a na-defer wenno naitantan ti 2025 OVP budget hearing idi napan a lawas gapu met laeng iti panagkedked ni VP Sara a mangsungbat kadagiti saludsod dagiti mammanday-linteg maipapan iti pannakausar ti pondo ti OVP, nangruna iti P125 million ken P500 million a confidential fund allocation ti OVP iti sidong ti 2022 ken 2023 national budget.
Kabayatanna, saan a maibaga ni Lanao del Sur Representative Zia Adiong, ti nadutukan a budget sponsor ti OVP no kissayan ti Kamara iti kidkiddawn ti OVP a P2 billion budget para iti 2025.
