Target ita ti Department of Environment & Natural Resources (DENR) a maipaayan ti geohazard map ti nadumaduma a lugar iti pagilian.
Segun kenni DENR Sec. Roy Cimatu, daytoy ket tapno maipakaammo kadagiti residente ti delikado nga igubway ti panaglayos.
Kinuna ni Sec. Cimatu, iti obserbasyon na, nagbaliwen ti panawen no sadino mas ad-adu ngem iti kadawyan a buyat ti tudo ti mailislita gapu met laengen ti Climate Change.
Kinuna na, mangar-aramid metten ti bukod nga addang dagiti private land owners kas iti panagmula ti kayo wenno reforestation kagiddan ti napasamak a landslide iti umabagatan a paset ti pagilian.
Kabayatan na, nagturong iti probinsya ti La Union ni Sec. Cimatu tapno agserbi kas officiating officer ti naisayangkat a turn over ceremony para iti baro a Regional Director ti DENR iti Region 1.
Ni Reynulfo Juan ti DENR-12 ti baro ita a DENR regional director bayat a ni out going Paquito Moreno Jr. ket agtalinaed iti DENR Central Office.
