LA UNION – Immandar ti Department of Agriculture (DA) iti napartak a panangipalospos iti P93.8 billion a pondo manipud Philippine Crop Insurance Corporation (PCIC) para kadagiti biktima ti Supertyphoon Julian.
Daytoy ket tapno mausar dagiti mannalon ken makabangon manipud iti epekto ti nasao a bagyo.
Segun kenni Department of Agriculture Secretary Francisco Tiu Laurel Jr., kasapolan ti napartak a panangipaay ti bayad-danyos ken insurance kadagiti mannalon tapno makapag-rugi da manen ken maisubli iti production loss a nasayang iti panagduprak ti bagyo.
Maibasar iti datos ti Philippine Crop Insurance Corporation, pakabuklan a 10,781 a mannalon ti mais, palay, ken high value crops iti makaawat ti bayad-danyos.
Dagitoy ket manipud Cordillera Administrative Region, Ilocos Region, ken Cagayan Valley.
Segun iti sekretaryo, mabalin nga usaren dagiti mannalon iti maawat da a bayad a paggatang iti agri inputs ken tapno makapag-rugi da manen nga ag-mula.
Iti kauddian a datus nga inruar ti DA, umabot iti P607.38 million iti balor ti perdisyon nga imbati ti bagyo Julian iti sektor ti agrikultura.
Naka-apektar daytoy iti pagbiagan ti nasurok 33,000 a mannalon iti Northern Luzon.
