Nainget a banbantayan ti Department of Agriculture iti presio ti bagas kadagiti merkado kasaruno ti import ban.
Panggep ti addang a masigurado a masursurot iti ₱43 tunggal kilo kas kangatuan a presyo para kadagiti imported rice.
Segun kenni Agriculture Secretary Francis Tiu Laurel Jr., binaon na iti Agribusiness and Marketing Assistance Service (AMAS) a tutukan dagiti tiendaan nga addaan ti reklamo maipanggep iti nangato a presio ti bagas.
Kenuna met ni Department of Agriculture Assistant Secretary Genevieve Velicaria-Guevarra a mangipatulod da ti surat kadagiti uppat a merkado idiay Metro Manila seknan ti nasao nga isyu.
Agturong ti Agribusiness and Marketing Assistance Service kadagiti palengke tapno amuen no adda ti panaglabsing iti presio ken ammirisen dagiti bodega tapno maammuan no umdas iti suplay ti bagas.
Innayon pay ti sekretario, agtaltalinaed met nga umdas iti supply ti imported rice uray pay mapawaywayan iti import ban.###
