Insingasing ti Department of Finance (DOF) ken dagiti attached agencies-na ti dagup a budget a P33.75 billion para iti fiscal year 2025.
Kinuna ni Finance Secretary Ralph Recto a panggep ti budget a suportaran dagiti kangrunaan nga operasion ken prioridad a programa ti ahensia, kas iti digitalization para iti efficient tax administration ken serbisio publiko.
Inbatad na a ti ahensia ket nabilin a mangpondo iti naisingasing a P6.35 trillion 2025 national budget nu sadino P4.64 trillion laeng ti nasuportaran dagiti revenues.
Kinuna pay ni Recto a 20.8% a nangatngato ti insingasing ti DOF a 2025 ngem ti 2024 General Appropriations Act (GAA) level ngem irepresentarna laeng ti 0.5% iti dagup a naisingasing a 2025 national budget ti gobierno.
Innayonna a ti New General Appropriations ket buklen dagiti kapatgan a paset nga agdagup iti P29 billion a mangsuporta iti core operations ken priority programs ti DOF, kas iti digitalization tapno mapasayaat ti revenue administration ti Bureau of Customs (BIR), customs enhancement ti Bureau of Customs (BOC), nasaysayaat a panagmanehar ti pinansial nga asset ken utang babaen ti Bureau of the Treasury (BTr), ken improved local finance administration babaen ti Bureau of Local Government Finance (BLGF).
Iti naisingasing a budget, 41.4% ti naipaay iti Personnel Services, 37.9% iti Maintenance and Other Operating Expenses (MOOE), ken 20.6% iti Capital Outlays.
Iti umuna a semestre ti 2024, kinuna ni Recto a nagun-od ti DOF ti obligation rate a 70%, a mangipatarus iti PHP 40.85 bilion nga obligasion manipud iti dagup nga allotment-na a PHP 58.36 billion.
Kinunana pay a maikapat ti DOF kadagiti ahensia ti gobierno no maipapan iti obligation rates, a nangatngato ngem iti average obligation rate ti intero a gobierno a 65.4%.
Sinigurado ti ahensia a dagiti financial statements ket nagtungpal iti maipakat a financial reporting framework, a mangipasigurado met iti good governance, transparency, ken accountability.
