Impasiguro iti Department of Foreign Affairs (DFA) a silulukat iti Pilipinas iti pannakisarita idiay Vietnam kalpasan iti panangipila daitoy iti extended continental shelf idiay West Philippine Sea.
Segun iti DFA, nakasagana iti Pilipinas a makikoordinar idiay Vietnam tapno agpada a magun-od iti dua a pagilian iti patas a solusyon iti nadakamat a paset ti kabaybayan kas panagsurot iti international law partikular iti United Nations Convention on the Law of the Sea (UNCLOS).
Kabayatanna, resrespetuen met iti Pilipinas ti karbengan iti Vietnam kas kapada a coastal state ken iti panagayat daitoy a magun-od iti lumagpas 200 nautical miles manipud iti baseline iti territorial sea kas nakapaisidong iti UNCLOS.
Imbatad pay ti DFA nga impaganetget ti Pilipinas nga isu ti makintagikua iti extended continental shelf idiay Western Palawan Region maibasar kadagiti maritime entitlements iti UNCLOS.
