LA UNION – Tarigagay ti DepEd Region One nga amin nga ubbing iti rehiyon uno ket sumrek da iti pagadalan.
Kinuna iti Bombo Radyo La Union ni Mr. Cesar Bucsit, head iti Public Affairs Unit – DepEd RO1, rinugyan dan ti early registration idi pay Jan. 28 nga agpatingga inton Pebrero 24, agdama a tawen.
Impaganetget na a maysa a konsepto daytoy ket makapagpa-rehistro iti amin nga school-aged children agraman dagiti out-of-school youth (OSY) tapno sumrek da iti pagadalan ken makumpleto iti basic education dagitoy.
Partikular a naiturong iti nasapa a panagpa-rehistro dagiti sumrek a Kinder ken Grade 1 students, nga agtawen ti lima ken innem, para iti sumaruno nga school year 2018-2019.
