Nainget nga imon-monitor ti Department of Information and Communications Technology (DICT) babaen ti Cybersecurity Bureau ken ti National Computer Emergency Response Team iti napasamak nga global cyber software outage.
Segun kenni Renato Paraiso, DICT Spokesperson ken Assistant Secretary for Legal Affairs, ti agtultuloy a software outage ket nagtaud ti wrong update ti maysa a cybersecurity provider.
Ti nadakamat nga software outage ket nakaapektar kadagiti kompanya iti intero a lubong.
Impasiguro met ti ahensya iti publiko nga ti departamento ket saan nga agus-usar iti kapada a cybersecurity service provider ken awan iti DICT system wenno asset iti naapektaran.
Kabayatanna, agtultuloy iti pannakikoordinar ti ahensya kadagiti maseknan tapno makagun-od iti detalyado nga impormasyon ken maadal iti naan-anay nga epekto iti napasamak nga insidente.
