Pinaregta ni Senador Sherwin Gatchalian ti Department of Information and Communications Technology (DICT) a papartaken ti paknnakaipatungpal ti National Fiber Backbone (NFB) project tapno mapalawa ti free wifi access para iti publiko a makatulong ti ad-adu a Pilipino nga makakonekta iti internet.
Segun kenni Gatchalian, napateg a napartak a maimplementar ti proyekto tapno masiguro nga amin a Pilipino ket makapadas ti reliable internet, aglalo kadagiti nasusulinek a lugar ken komunidada a kurang ti maaw-awawt da a serbisyo.
Impunto pay ti Senador nga iti reliable internet access ket saanen a ‘luho’ nu di ket importante a serbisyo para iti patas nga access iti edukasyon, trabaho, ken kadagiti serbisyo publiko.
Ti National Fiber Backbone project ket maysa a kangrunaan a paset ti National Broadband Program nga ipatpatungpal ti DICT.
Pakairamanan iti daitoy ti panagsagana ti nasurok-kumurang 6,275 kilometro iti fiber optic cable, karaman dagiti submarine cables ken microwave radio links.
Naisayangkat ti Phase 1 ti proyekto idi Abril ti agdama a tawen bayat nga dagiti Phases 2 ken 3 a sumakop ti makin-Amianan a Luzon agingga Bicol ken sumagmamano a paset ti Visayas ken Mindanao, ket manamnama a malpas iti umuna a quarter inton sumaruno a tawen.
Babaen ti Philippine Digital Infrastructure Program,dagiti Phases 4 ken 5 ket mangpalawa iti koneksyon ti intero a Visayas ken Mindanao bayatb nga iti Phase 6 ket dumanon kadagiti nasusulinek a paset ti probinsya.
