LA UNION – Naisublin ditoy pagilian ni dismissed Bamban, Tarlac Mayor Alice Guo kalpasan a natiliw idiay Indonesia.
Sinukon isuna da Interior Sec. Benhur Abalos ken Philippine National Police Chief Rommel Marbil.
Agarop ala-1:00 itay parbangon a nagdisso iti nagluganan a private plane ni Guo.
Iti ambush interview kenni Interior Secretary Benhur Abalos, kinunana a resulta ti nainget a koordinasyon wenno intelligence coordination dagiti otoridad ditoy Pilipinas idiay Indonesia, iti napaspas a pannakatiliw da Guo, Shiela Guo, ken Cassandra Li Ong.
Maipalagip nga idi May 22, 2024, naudi a nakita ditoy Pilipinas iti sigud a mayor idi simmango idiay Senado para iti imbestigasyon seknan iti POGO operations.
Idi umuna a lawas ti Hulyo, nasuspinde ni Alice Guo kas mayor ti Bamban, Tarlac.
Naglibas ni Guo, kadwa na da Wesley Guo, Shiela Guo ken Cassandra Ong.
Hulyo 18, 2024, makunkuna a simrek iti grupo na idiay Kuala Lumpur, Malaysia.
Hulyo 21, 2024 naglugan ti eroplano a nagturong idiay Singapore, ket nagtalinaed sadiay ti aganay maysa a bulan.
Agosto 18, 2024 pimmanaw da idiay Singapore ken nagturong da idiay Batam, Indonesia.
Agosto 19, 2024, inyanunsyo ni Sen. Risa Hontiveros a nakaala ti impormasyon a nakapanawen ditoy pagilian iti sigud a mayor
Agosto 20, 2024, naarestar da Shiela ken Casandra idiay Batam.
Setyembre 3, 2024 idi inarestar ti Indonesian authorities ni Alice iti maysa a villa idiay Greater Jakarta.
