Nakasaganan a mangipila ti kaso ti Department of Migrant Workers (DMW) kenni sigud nga Overseas Workers Welfare Administration (OWWA) Administrator Arnell Ignacio kalpasan ti saan nga otorisado a P1.4-B a gatad nga land acquisition deal.
Segun kenni DMW Secretary Hans Leo Cacdac, sagsaganaanen ti legal team da dagiti maipila a katupag a kaso kenni Ignacio ken dadduma pay a personalidad seknan ti nasao a transaksyon.
Mainaig iti daitoy, usaren kuma ni Ignacio iti daga a pangipasdekan ti maysa a ‘half-way house’ a panggep a mang-akomodar ti dakdakkel a bilang dagiti Overseas Filipino Workers.
Imbatad pay ni Cacdac nga innem a critical counts ti nag-issue ti proposal kenni Ignacio, rason tapno saan a pumasa daitoy iti OWWA Board of Trustees ngem laksidna ket natuloy latta ti deed of sale.
Kabayatanna, nakasagana met a mangisayangkat ti imbestigasyon mainaig iti daitoy ti baro a dutok nga OWWA Chief a ni Administrator Patricia Yvonne Caunan, nu sadino ket maipasidong ti strikto nga auditing ti proyekto.
Iti sabali a bangir, nagkedked met a mangipaay ni Ignacio ti komento mainaig kadagiti alegasyon kontra kenkuana.
Maipalagip a sinesante ni Presidente Ferdinand Marcos Junior ni Ignacio gapo iti ‘loss of trust and confidence’.
