BR LA UNION – Awan ti bileg iti Department of Energy (DOE) a suspindiren iti VAT ken Excise tax iti produkto a petrolyo.
Sungbat daytoy ni Department of Energy (DOE) Officer-in-Charge (OIC) Sharon Garin kasaruno ti panawagan a suspendiren iti fuel tax.
Kinuna ni Garin, saan da a basta masuspindir iti tax kadagiti produkto a petrolyo, gaputa mandato daytoy ti linteg.
Kinuna na, a ti rumbeng nga aggunay ditoy ket iti Kongreso nu kasapolan nga amyendaran ti agdama a linteg wenno i-abolish.
Ipanpanawagan ti sumagmamano a grupo iti panang-suspendi iti excise tax ken value-added tax kadagiti produkto a petrolyo gaputi pagdan-danagan a big-time oil price hike gaputi tensyon idiay Middle East.
Segun kenni Garin napagsaritaan iti panagtataripnong da kada Presidente Ferdinand Marcos Jr. ken dagiti economic managers iti posible a suspension ti fuel taxes.
Impaganetget ti sigud a mammanday linteg nga awan ti nakailanad iti linteg a suspension of tax, ngem maipalubos ti suspension iti implementasyon ti panagngato ti presyo.
Segun kenni Garin, aganay P300 billion iti koleksiyon ti gobyerno manipud iti excise tax ken VAT a source of funds ti gobyerno tapno makaipatakder ti school buildings, kalsada ken dadduma pay a health services.
