LA UNION – Pinalagipan ti Department of Health (DOH) iti publiko a liklikan iti adu unay a pannangan ita a holiday season.
Segun iti ahensiya, saan a sobra-an ti ag-konsumo iti taraon a nangato ti sugar content, nataba, ken namantika.
Dagiti nasao a taraon, segun iti DOH, ket mangpakaru laeng iti naduma-duma a kondisyon ken sagubanit, nangruna dagiti agtum-tumar ti maintenance drugs.
Segun iti ahensiya, tapno agbalin a naragsak ti Paskua ken Baro a Tawen, nasay-sayaat nu fresh ken healthy meals iti idasar para iti pamilya ken bisita, imbes a dagiti nasasam-it ken namantika a taraon.
Impalagip pay ti ahensiya iti publiko a kitaen a naimbag iti expiration date dagiti produkto ken dagiti ramen nga usaren iti panagisagana ti taraon.
Nu nadadael wenno nabanglesen, imbaga ti DOH a kasapolan nga ibelleng iti nasayaat.
Pinalagipan ti ahensiya dagiti menor de edad, masikog, ken drivers a liklikan ti uminom ti arak wenno agbartek kadagiti dar-ayan a pasken.
