LA UNION -Nagballaag ti Department of Health (DOH) a mabalin nga umadu iti breeding areas ti lamok a mangipaay ti dengue virus kasaruno ti innem a nagsasaruno a tropical cyclone a timmama ditoy pagilian.
Iti maysa nga advisory, pinalagipan ti Department of Health iti publiko nga ikkaten dagiti stagnant water ken kumunsulta a nasapa iti doktor nu makapadas kadagiti sintomas ti dengue, partikular kadagiti rehiyon a naapektaran ti tropical cyclone a Kristine, Leon, Marce, Nika, Ofel, ken Pepito.
Adda iti 17,033 a kaso iti nailista ti departamento manipud Oktubre 20 agingga Nobyembre 2, 2024, a mas mababa ti 17% kumpara iti 20,498 a kaso idi Oktubre 6 agingga 19, 2023.
Kabayatanna, awan met ti naipadamag a panagngato iti baro a kaso ti dengue kadagiti nadakamat a rehiyon iti napalabas nga innem a lawas.
Innayon pay ti ahensya, a kit-kitaen da dagiti datos seknan iti epekto ti bagyo a mabalin a saan pay a nailista.
Nupay kasta, imbaga ti DOH a ti kasamayan nga aramiden tapno maliklikan iti sakit a dengue ket liklikan ti kagat ti lamok, nangruna iti aldaw.
