Ngimmaton ti agingga 56% dagiti kaso ti dengue ditoy Pilipinas, segun iti Department of Health (DOH).
Maibasar ti datos ti ahensiya, ngimmato ti pakabuklan a 43,732 nga kaso ti nailista manipud Enero agingga Pebrero 15 ti agdama a tawen.
Laksid met ti makapadanag a panagngato ti bilang dagiti makapkaptan ti sakit ket kinuna ti ahensya nga agtaltalinaed met a nababa ti agdama a case fatality ratio a dumanon laeng ti 0.38%, nu sadino nababbaba pay ngem idi napalabas a tawen a 0.42%.
Mainaig iti daitoy, pinainget met ti DOH iti dengue control measures da ken pannakikoordinar kadagiti lokal a gobierno para tapno malabanan ti outbreak kadagiti apektado a rehiyon, kas maiyannurot metten iti derektiba ni Presidente Ferdinand Marcos Jr.
Dinakamat ti DOH a napaliiw ti panagngato ti kaso dagiti tallo a rehiyon ti pagilian a katupag ti agingga kagudwa a kaso ti intero a Pilipinas.
Dagitoy ket manipud sadiay CALABARZON nga addaan ti 9,113 a kaso; National Capital Region nga addaan ti 7,551 a kaso, ken Central Luzon nga addaan ti 7,362 a kaso.
Dagiti 17 nga iti kadagiti nasao nga rehiyon ket agdama ita nga pakasarakan dagiti dengue hotspots.
Kabayatanna, rumrumuar met manipud iti datos ti DOH a bimmaba ti lima a porsyento dagiti baro a kaso kadagiti napalabas nga uppat nga lawas.
Segun iti ahensya, nakaambag dagiti kampaniya da tapno maamwan ti sapasap a publiko ti idea iti sakit, karaman iti panangdalus iti aglawlaw a pagtataudan dagiti lamok nga addaan iti dengue.
