Nagpakdaar ti Department of Health (DOH) mainaig ti maysa nga peke a social media page nga iramramanna ti ahensya iti maysa nga “nutritional milk” a makaimbag kano iti chronic insomnia.
Agpampammarang ti fake page kas DOH ken inwaragwag da a ti panaginom nga inaldaw iti produkto ket makatulong a mapasayaat ti salun-at ken panagturog.
Inlawlawag met ti DOH a saan da nga endorser wenno promoter kadaitoy a produkto.
Impaganetget da met a ti insomnia ket addaan kadagiti nagduduma nga rason ken awan pay ti nabiit nga agas na.
Ti laeng epektibo a panangtaming ti insomnia ket ti sleep hygiene, therapy, abiso manipud kadagiti professionals.
Nagpakdaar pay ti ahensya kadagiti manangalillaw a social media page nga agus-usar ti marketing karaman dagiti peke nga testimonya.
