BR LA UNION – Nakailista ti Department of Health (DOH) ti pito a kaso ti firecracker-related injuries wenno nasugatan a gapwanan ti paputok ita a holiday season.
Segun iti ahensiya, tallo a baro a kaso ti nailista manipud Disyembre 21 agingga parbangon ti Disyembre 23.
Mas nababbaba daytoy ti 75 a porsiyento kumpara iti 28 a kaso a nailista ti kapada a panawen idi 2024.
Uppat kadagiti pito a biktima ket edad 19 agpababa. Kaadwan nga insidente ket gapwanan ti paputok a Boga ken 5-Star.
Iti datos ket manipud iti 62 sentinel hospitals, ken agtultuloy ti panagbantay ti DOH agingga Enero 5, 2026.
Palagip ti ahensya, dagus nga iturong iti ospital dagiti biktima ti paputok ken tumawag iti 911 iti oras ti emergency.
Inallokoy ti publiko a liklikan ti agusar ti paputok tapno mas nataltalged ti selebrasyon ti Paskua ken Baro a Tawen.
