LA UNION – Saan a mangipatungpal ti lockdown iti baet ti pannakaduktal ti kaso ti mpox iti sumagmamano a lugar ditoy pagilian.
Segun iti Department of Health, iti laksid ti agtultuloy a community transmission ti sakit, nabalinan ti ahensiya a kontrolen ti mpox clade II.
Inbatad na a manipud idi 2022 ket awan pay ti natay ditoy Pilipinas gapu iti mpox idinto a 9 a tattao ti naan-anay a nakarekober iti nasao a sakit.
Kinunana nga amin a 14 nga aktibo a kaso ti mpox clade II, ti nalaglag-an a variant ti mpox, ket madama nga agpapaimbag.
Kinuna pay ti sekretaryo a ti Mpox response nga impatungpal ti DOH, pakairamanan ti prompt testing, contact tracing ken home care, ket nakatulong a manglapped iti pannakaiyakar ti sakiy.
Iti press conference idi kalman, kinuna ni Health Secretary Ted Herbosa a nakitaripnong iti Inter-Agency Task Force for the Management of Emerging Infectious Diseases (IATF-MEID) maipapan iti mpox idi napan a lawas.
Ditoy, imbaga ti sekretaryo kadagiti kameng ti IATF a saan a mangipatungpal ti lockdown, border control ken panagisuot iti mandatory face mask gaputa kunana a kabaelan ti DOH nga imanehar ti sakit.
Ken saan a napaspas nga agwaras ti Mpox, kas iti COVID-19.
