Pinaglibakan ti Department of Justice a karaman ni sigud nga House of Representatives Speaker Martin Romualdez iti nairuar nga opisyal a listaan dagiti nairekomenda a makasuan ti National Bureau of Investigation iti laksid ti panakairaman ti nagan na kadagiti maanomalya a flood control projects.
Segun kenni DOJ Secretary Jesus Crispin Remulla, saan a nagparang iti testigo a ni Orly Regala Guteza iti nakaituding a panagkitada, rason ti ‘exclusion’ ti kongresista.
Impaganetget na a kasapulan pay a maberipika ken maipasidong ti evaluation dagiti pamabasol ken alegasyon.
Iti sabali a bangir, inlawlawag ti sekretaryo nga iti Witness Protection Program ket saan na kayat a satuen a mangipaay laeng ti proteksyon no di ket karaman pay dagiti posible nga ibutaktak ti testigo.
Kabayatanna, saan met a nairaman ni Makati Mayor Nancy Binay iti listaan agsipud ta madama pay laeng a maprosproseso kasaruno ti panakairaman na iti naangay a panagdingeg ti Senado.
Iti agdama, agtultuloy iti imbestigasyon ken berepiskasion ti Department of Justice dagiti testimonya a naala da manipud kadagiti testigo.###
