LA UNION – Adda iti ar-aramiden a panagsagana iti Department of Labor and Employment (DOLE) apaman nga ag-desisyon iti gobyerno a naan-anayen nga i-ban iti Philippine Offshore Gaming Operators wenno POGOs ditoy pagilian.
Segun kenni Labor Secretary Bienvenido Laguesma, iti ar-aramiden da ti agdama ket profiling kadagiti mangmangged idiay National Capital Region (NCR) a sentro iti kaadwan a Philippine Offshore Gaming Operators, argaman idiay Regions 3, 7 ken 4-A.
Inlawlawag ni Laguesma a kabilang iti ar-aramiden da a profiling ket nu anya a klase nga skills iti saguday dagiti POGO workers, tapno makastrek da iti nasao a kita ti trabaho.
Imbaga ni Laguesma nga ita pay laeng ket madaman iti transition wenno maipasidong iti reskilling ken retraining dagiti mangmangged ti POGO.
Inlawlawag ni Laguesma a saan da nga al-allokoyen dagiti mangmangged nga iti sari-sari store laeng iti plano da a pangipakatan iti skills dagitoy wenno livelihood.
