Nangisagana ti Department of Labor and Employment (DOLE) ti ₱1.2 bilyon a pondo para kadagiti programa a naitukon kadagiti vulnerable workers.
Nailatang ti nasao a pondo kalpasan iti deklarasyon ti national energy emergency ni Presidente Ferdinand Marcos Jr. gapu iti gubat idiay Middle East.
Kas panagsagana iti Unified Package for Livelihoods, Industry, Food, and Transport (UPLIFT) program ket tarigagayda a siguraduen iti pagsayaatan dagiti mangmangged.
Ti nasao a budget ket naitukon para iti dakkel a social protection program ti DOLE kas iti “Tulong Panghanapbuhay sa Ating Disadvantaged/Displaced Workers” wenno TUPAD program ken DOLE Integrated Livelihood program (DILP).
Innayon pay ti ahensia, agtultuloy iti pannakikoordinarda iti Overseas Workers Welfare Administration (OWWA) ken Department of Migrant Workers (DMW) tapno tulungan dagiti OFW a naapektaran ti riribuk idiay Middle East.###
