Pormalen a nagsapata ni Donald Trump kas maika-47 a Presidente ti Estados Unidos.
Indauloan ni Chief Justice John Roberts iti panagsapata ni President Donald Trump iti uneg ti Capitol Rotunda.
Malaksid iti biblia ni Abraham Lincoln para iti panagsapata, inusar pay ni Trump ti personal a bibliana.
Ti nasao a biblia ket ti inusarna met laeng idi umuna a terminona kas Presidente idi 2017.
Kalpasan ti panagsapata, nagpaputok ti militar ti US iti kanyon kas tradisional a panagsaludo.
Naangay ti panagsapata ni Trump iti uneg ti Capitol Rotunda gapu iti nakaro a nalamiis ti panawen iti outdoor.
Naudi a naaramid ti indoor a panagsapata idi panawen ni sigud a Presidente ti Estados Unidos a ni Ronald Reagan idi tawen 1981.
Sakbay ti panagsapata ni Trump, nagsapata pay ni JD Vance kas Bise Presidente nga indauluan ni Supreme Court Justice Brett Kavanaugh.
Amin a napili a mangbukel iti gabinete na ket timmabuno iti nasao a panagsapata kasta met dagiti sigud a Presidente ti US ken dagiti assawada.
