Nagpanawagan ti Department of Transportation iti grupo nga Manibela a maaddaan da pay ti dialogo.
Kasaruno daitoy ti plano ti grupo a tallo nga aldaw a transport strike inton umay nga Marso 24.
Segun iti DOTR, nasken a panunuten ti grupo ti epekto ti tigil-pasada nu sadino ket ado ti pasahero a matantan ti appointments da.
Uray dagiti drivers ken operators ket maapektaran met gapo ta maawanan da ti biruk ti las-ud dayta a tallo nga aldaw.
Nakikoordinar metten ti DOTr kadagiti nagduduma nga ahensya ken lokal a gobierno tapno makaipaay ti libre a sakay kadagiti maapektaran a komyuters.
